Job Raising guide

Што е Job Raising?

Job Raising е најважната кампања во ИАЕСТЕ Македонија. Во текот на оваа кампања целта е да се потпишат што повеќе пракси со македонски компании кои би примиле странски практикант од областа на техничките науки.

Колку пракси потпишеме ние во Македонија, толку пракси ќе добиеме за возврат од останатите ИАЕСТЕ земји во светот.

Како функционира JR кампањата?

Првиот чекор што треба да го направите е да го отворите списокот што е долу споделен и да изберете една компанија и да ја контактирате. Доколку знаете некоја друга потенцијална компанија што сакате да ја исконтактирате може слободно да ја допишете во списокот и да ја исконтактирате.

Оние кои веќе имате избрано некоја фирма имате време до 10 ноември 2019 да ги исконтактирате и да го update-ирате статусот на списокот во делот „Статус за 2019“.

Што треба да знаете пред да контактирате некоја фирма?

Пред контактирање на фирмата задолжително проверете каква фирма е и со што се занимава, и областа во која практикантот може да придонесе. Исто така не го испуштајте делот да проверите какво искуство до сега сме имале со таа фирма.

Доколку имате познаник, или сметате дека полесно можете да потпишете пракса во некоја фирма за која веќе друг член е пишан за контакт, разговарајте со него и договорете се дали заедно ќе ја контактирате или пак тој ќе ви ја предаде фирмата.

Што откако ќе ја исконтактираме фирмата?

Откако ќе ја исконтактирате фирмата треба да пратите мејл и да договорите состанок со истата. Во продолжение се темплејти како треба да изгледа вашиот мејл и што треба тој да содржи.

• Барање до нови фирми - треба да се смени име на фирма, година и ваш личен контакт (име, презиме, телефон, мејл)

• Барање до стари фирми - треба да се смени име на фирма, година и ваш личен контакт (име, презиме, телефон, мејл)

• Барањето треба да го пратите како attach, и соодветно да пишете краток мејл што тоа содржи, има пример подолу.

• Годишен извештај - секогаш се праќа по мејл (a се носи и на состанок) за да видат фирмите дека ние всушност работиме нешто, ќе ви покажеме каде стојат извештаите во канцеларија.

Што понатаму?

Доколку компанијата ви закаже интервју, пишувате мејл за некој поискусен да дојде со вас.

Доколку фирмата одлучи да потпише пракса, земате во вас 2 (два) примероци од ДОГОВОРОТ кој е прикачен, треба да запазите да бидат пополнети сите информации и истиот го носите во барака да го потпише и да му стави печат Претседателот на ИАЕСТЕ Македонија.